13/2/2014=最後一堂physio

今日(4/2) 係第7堂 (19/12/2013, 2/1, 7/1, 16/1, 21/1, 28/1, 4/2, 13/2)
今日pt話我行得好左,但因為X型腳,所以行路時,腳仲係向內拍.
pt話我個樣好sporty, 所以好好咁比左d advice我: "睇你個樣咁sporty,你做運動只係游下水同踩單車算啦，跑跑跳跳就唔好啦，凡負重既運動都，要跑要跳都唔好啦。"
其實,我除左追巴士係唔會跑!
好驚從此以外,冇得追巴士,所以我問pt: "咁追巴士呢?"
pt雖然帶左口罩,但都係笑到噴: "呢d one off就得。人地打羽毛球打足2場，你就志在參與好啦。"
因為聽人講過,膝頭哥有事係唔好游蛙式,所以向pt求證下: "咁游唔游得蛙式?"
pt: "唔建議，因為膝頭都會有少少內旋，游自由式啦。"
今日pt教左個運動返屋企做,10下1組,做3組,但會攰,所以唔洗日日做,每日只係推patella!但我仲未推得好,推向下時,我連舊骨都未搵到!

眼淚在運動完後依然流出

車,噚日電視又話運動有用,我今日都踩左成個鐘健身單車,眼淚又一樣流!!!
我只係做左1日人咋,又跌番入去人唔似人,鬼唔鬼的狀態!!!
由人變鬼的解發事件係存錢!!!
以往既我係見到錢就會好開心,而家見到錢覺得煩,覺得忟 (雖然係咁,我都仲好應節,有利是我都會照收+非常歡迎的!!!同埋大家唔好叫我比晒D錢你地,我雖然情緒低落,但神智仍然清醒!!!)
存錢既時候,因為冇數好手上既錢有幾多就放入存錢機,部機又有D錢存唔到彈番出o黎!
存錢機出個數同我記得既又有出入,好似少左,但我因為冇數+唔記得自己存左幾錢,所以唯有按確定去存錢.
錢雖然存左,但我仲不斷諗緊究竟我存左幾多錢,存錢機會唔會出錯呢,因為我記得自己好似唔止入左咁少錢,但我又冇印象自己其實入過幾多錢,所以又覺得好煩,又好嬲自己點解唔數好晒d錢先存,結果返到屋企又喊!
估唔到存錢,會引發我既焦慮!!!!

終於似番個人

今日係初四,人地就係新年前執屋,我就今日先執左D!!!
因為終於唔洗再活o係眼淚之中,重拾番久違了的動力!!!
2013年簡直可以用人唔似人鬼唔似鬼o黎形容!
收入工穩定了,但情緒起伏到不似人形!!!
返工時,無時無刻都處於打仗,混亂既狀態,返屋企又係諗野公司野!!!
雖然今日係放假,但等陣又要仆返公司攞番d文件聽日用 (仲係放假,但又係做公司囉,妖!)
更加因為工作問題,自上年8月尾開始,平均每1-2星期就會喊最少一次!!!!
最長記錄係由星期六下午(放左工喊到星期日!),結果星期一返工,一對眼都喊腫晒!!!
但星期五又要返工,換言之,又會再次陷入做到癲的狀態!!!

回家的路上=終於可以喊啦!!!

噚晚o係自己個fb度share左好多ADHD既野,唔知朋友仔係咪睇左,今朝晨早流流就WHATSAPP我,叫我轉工!!!
覆佢o哥陣係一邊忍住眼淚一邊覆
(因為o哥時同親戚一齊唔可以喊,因為佢地唔知我有情緒問題)
結果今年既年初三就係o係強忍眼淚+在回家的路上才可喊的情緒下渡過!!!
工~~我夠想轉啦,但年紀大了,CV又花,人又唔叻,轉得去邊喎!!!
我真的老了=連走的勇氣都沒了=人生的悲哀+痛苦!!!

成人ADHD

上星期二上司食完飯同我講: "我啱啱睇完個節目,講ADHD,個主角成日轉工,做野好多甩漏,唔小心,趕唔到DEADLINE,好似你,你一定要睇!!!"

啱啱終於睇完啦,睇既時候,唔單止主角既行為似我,佢地所講既野,簡直係我既心聲!!!

睇既時候已經想喊,但都係得個想字,直至打呢篇BLOG,兩行眼淚又直流!!!!

好多衰野已經發生係我身上,我唔係又衰多一範嘛???!!!!

一諗到呢D度,眼淚係停唔到!!!

雖然我未證實係成人ADHD,但好似囉!!!

點解我既PHYSICALLY AND MENTALLY HEALTH都係咁差既???

原來唔單止身體健康冇我份,精神健康都冇我份!!!

今日係年初二,但我隻手術腳由年三十痛到今日,一行就痛,都唔知係因為真係腳痛定係對鞋令我腳痛!!!

今朝訓o係床度仲有rest pain!!!

唔單止西曆新年係跨年度咁痛,農曆新年都係一樣!!!

21/1/2014=腳腳再次被CERTIFIED!!!!

2008年去睇名醫SEACRH 2ND OPINION時,名醫已CERTIFIED左腳腳,
名醫叫我唔好再做掃瞄 (我諗佢指MRI), 佢叫我要養成READ MY BODY的習慣,狀態好時做多D運動,去train番d肌肉保護關節,但狀態唔好時 (e.g.天氣凍) 做少d.

多年後既今天,其實我仲未read到!!!
每次fu,醫生問 : "你隻腳咩情況會痛d?"
其實除左當隻腳既ROM (range of motion) 大過90度,我一定會好痛外,其他咩情況下會痛d,我真係唔識答,因為佢行又痛,企又痛,連訓o係床度都會有REST PAIN!!!
最近一次的REST PAIN係21/1/2004晚訓覺+22/1/2014朝早起身時!!!

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

講番PHYSIO先,原來由19/12/2013開始做第一堂(第4期,好似人地CANCER咁!), 21/1/2014已做了第5 堂啦!!! (19/12, 2/1, 7/1, 16/1, 21/1). [21/1/2014=post op 7y8m28d!]

其實第1堂呢個PT已判了腳腳死刑啦!!!
PT: "你都做左好多野啦,點解醫生仲REFER過o黎?!"
我: "呢個係醫生既決定!"

2/1/2014,第2堂,做完physio後我因為要趕去交文件,所以褲都冇換就o係寒風中跑左約半小時!結果腳痛得好犀利,焗住我食人生中第3粒tramadol (第1粒係2008年痛症科開的,第2粒係上次骨科fu後,但2次都好頭暈,所以我冇諗過會再食!)

7/1/2014,第3堂,我問pt: "上次做完我好痛,會唔會痛我跑有關?" pt: "你隻腳alignment咁樣,仲跑?!你唔跑得架,我都唔敢比膝關節的負重運動你做!!你而家都係做緊d alignment既運動!" pt仲示範左,我心急/行得急既時候,既姿勢比我睇 (雙膝向內,內八得好緊要!) 所以pt叫我要留意自己行路,不可內八+要收hip!

16/1/2014,第4堂,呢日我問pt: "其實我玩唔玩得健身單車架?" pt: "可以,你行得架嘛,玩健身單車係坐o係度,減輕左關節負荷,但要注意resistance唔可以咁大,你關節冇人咁好,講得白d就係要就住o黎洗!" 跟住我再問: "咁點先係resistance大?" pt:"踩既時候冇痛冇腫,踩完第二日都冇痛冇腫!"
呢日我見人地玩彈床玩得好開心,所以我問pt: "我可唔可以玩?" pt: "唏呀,你隻腳!!!!"

21/1/2014,第5堂,pt問我: "你d痛點呀?" 我: "都係咁啦." 我又問: "其實我隻腳係咪冇得醫架?"
pt: "其實我覺得係架!好多野你都做過晒啦!你隻腳係結構問題同埋手術後遺症,功能上係冇問題,呢d物理治療都幫唔到!我地都有limitation,我最多比你做多2-3堂." 跟住pt又問我當年點解會做手術!!! 跟住我問pt: "其實好多人都X腳架啦." pt: "係呀,所以都係痛架."

~~~~~~~~~~~~~~~~~~~~~~~~~~~~~~~~~~~~~~~~~~

腳腳已經由2個不同profession,o係不同年份certified 2次,其實未被certified前,自己都知24/4/2006在PWH的手術係徹底失敗啦!因為咁多年右膝內側一直仲腫,唔知點解腫一直都消唔晒!!!除左腫就係痛啦,行,企,訓,佢都可以痛!!!

只係再由PROFESSION去CERTIFIED好似將腳腳打落18層地獄一樣!!!但第一次同第二次被CERTIFIED既心情就好唔同!

2008年,第一次被CERTIFIED係鬆一口氣!!!因為我唔洗再做手術,我唔洗再入手術室,我唔洗再重覆手術,康復,手術失敗,成個癲婆咁四圍去搵中醫,西醫,物理治療去醫腳!!!!

但2014年,雖然係第二次被CERTIIED,但反而係喊!!! (當然係o係屋企,唔係o係醫院) 所以返工時對眼好痛,因為21/1/2014喊到訓着,22/1/2014起身又喊左成個鐘先落床!!!打呢篇blog時,眼淚都仲流緊!!!

究竟呢個世界係咪有報應????如果有,我好想睇到羅永年條廢柴pk係點折墮!!!!

PWH (威爾斯) vs QMH (瑪麗) =天與地

睇完以下既新聞先知,原來中大都有正義之司!!!

曾為她進行游離皮瓣下顎重整等多個手術的中大前整形外科部教授博昂志（Dr. Andrew Burd），昨在facebook爆料指易的主診醫生，進行首次傷勢評估時連番犯錯，部門主管卻因避免個別人士尷尬而下令易兩周內毋須做手術，令病情惡化。威院否認指控。

QUOTED FROM: 蘋果日報 <中大前教授爆易小玲醫生犯錯 @22112013>
http://hk.apple.nextmedia.com/news/art/20131122/18519095

再睇落去先發現PWH真係好恐怖,

"主診醫生所犯的錯包括遺漏清除壞死組織的步驟，報告無紀錄傷口太緊需稍移重建骨板才能縫合傷口。博指易的情況原可挽回，但有部門主管當時命令易首次手術後兩周內不應再做手術，理由是避免「政治人物」尷尬。但期間易出現水腫、皮膚血液不足等情況。他強調手術時間應基於臨床理由而非政治理由，籲年輕醫生汲取教訓。"

究竟PWH仲醫當幾多個病人係白老鼠呢????點解手術都可以犯錯,佢地究竟知唔知醫生既責任幫病人醫病,而且仲要DO NO HARM呢???

醫生既責任幫病人醫病+DO NO HARM=27/12/2013我睇無線的 <<守護生命的故事>> 鐵醫盧寵茂醫生教的!!!

<<守護生命的故事>> ,真係一個好好既節目,好真實!!!而每個受訪的醫生都好有PASSION,好佩服佢地,好想同佢地一句: "香港好彩有您!"

(其實每晚睇呢個節目,我都會問自己: "點解我遇唔到呢D咁好既醫生!!!???"當然係冇答案+眼淚湧出)

呢D咁好,咁有PASSION既醫生,PWH真係有幾多個呢??? 唔知道,但10隻手指應該數得出!!!(因為在PWH最常聽到既都係: "醫生都係人,唔係神!" 或者係PWH醫生將自己神化了,認為自己唔係幫病人,而係比緊考驗病人!!!)

[等我o係度數下PWH的好醫生,費事比人覺得我淨係識踩PWH!!!!PWH的好醫生,幫過嫲嫲的有骨科的熊教授,超好人!!!!骨科廖敬樂醫生,都係好人一個!!!8A的醫生,多謝您們!!!8A同8C又係天堂與地獄的翻版,8C係賤到冇人有!!!真係希望當年對嫲嫲精神虐待的醫生,會他朝君體也相同!!!而我遇過的PWH好醫生有: 風濕科的李教授,係超級大好人!!!風濕科的譚教授都好好的!!!好多謝呢2個教授,諗起佢地就覺得好WARM!!!!最後仲有FM的黃教授!!!雖然咁多年我都仲係唔開心,但都好多謝您!!!當年您o哥句: "希望你會開心D." 好TOUCHING!!!但可惜我遇到的好醫生全部都唔係骨科!!!打到呢D,眼淚又直流!!!]

好想呼籲各位中大醫科生都花D時間去睇呢個節目,我唔知道中大有幾多個咁好既前輩可以教你地點樣去做一個好醫生,但我肯定既<<守護生命的故事>>內每一位醫生既每一字,每一句都可以教到你地!!!

最後我覺得TVB應該在<<守護生命的故事>> 加入以下的警告字眼:

"本集內容乃個別醫生的立場,並不代表全港醫生.病人如能遇上,實屬幸運"

等大家有病,萬一遇上一D "醫生都係人,唔係神!" 或者係將自己神化了既醫生,認為自己唔係幫病人,而係比緊考驗病人,大家唔會有咁大既落差囉!!!!

畢竟<<守護生命的故事>>既醫生實在太好啦,佢地真係唔係人,而係天使!!!佢地守護緊唔單止係病人,仲有佢地既家人,醫生多謝您!!!

(最後更新於29/12/2013, 13:38)