易小玲的手術成功=狠狠的摑了威爾斯(PWH)一巴

先旨聲明: 呢篇BLOG絶冇抽水的意圖.

早幾日見到易小玲手術成功的新聞,除左同大家一樣,戥佢開心,作為同是被PWH醫壞既病人,仲多一份羡慕!羡慕她能遇到好醫生,幫她重建新生! (打到呢到眼淚又湧到眼眶了!)

而重獲新生的她更 "以自己為例鼓勵大家，她表示人生會遭遇很多困難，但她告訴自己永遠不要放棄希望，也不要害怕、不要氣餒︰「只要堅持，總能捱過困境。」"

QUOTED FROM 太陽報 <易小玲笑了@26122013> http://www2.news.sina.com.hk/news/20131226/-2-3150565/l/1163589.html

我唔知自己算唔算堅持緊,但我唔覺得困境能捱過囉!!!坦白講如果唔係有人幫佢+唔係咒佢,我相信佢肯堅持o係PWH做 330次手術都唔會重生囉!!! (不過PWH都一定唔會同佢做 330次手術,如果佢唔係去台灣,而係繼續留在PWH堅持,淪為死症=她的唯一下場)

與其話「只要堅持，總能捱過困境。」,倒不如話只要有人幫+幫你既人夠勁+夠薑,困境才能擺脫,來得更貼切,更實際!!!因為PWH係大醫院,佢點過既病人(而且仲要係醫壞左,醫爛晒既症)冇人肯接!!!呢D病人咪只有繼續留在PWH去獨自堅持囉!!!(呢份堅持係不自願咁焗出來的!!)

(最後更新於29/12/2013 13:32)

12小時=腳痛的新紀錄

19/12/2013=手術後7Y7M25D (D可能有誤差)=新一期PHYSIO又再開始.
今日PHYSIO主要係CHECK腳,
PT話我隻腳唔係好差,但唔知點解行成咁,所以好怪!!!
PT仲話生左o係入面的疤痕冇得攪,只做一D做到既野. (腳腳好似被判死刑咁)
PT今日仲話因為大腿肌肉好TENSE,所以手術腳的PATELLA係高左成寸!
今日PHYSIO做左: TAPE腳板 (因為我有扁平足), HOTPAD HAMSTRING, 用按摩球放在壓痛點踢腳,PT既手療(用手按左我隻腳一陣)
功課: 每日做: 拉QUAD EX (停20秒,做10下), 用按摩球放在壓痛點踢腳(PT話我隻腳有好多,主要集中在外側), 推PATELLA (向內及向下)
但今日我11:10AM做完PHYSIO內側就開始痛,而家都仲痛緊!
腳腳: 究竟你想點 OR 你想我點???!!!

(寫於19/12/2013, 但26/12/2013先POST出街)

1HR內去4次TOILET=唔食毒品都會

都唔知係毒品問題咁嚴重,定係政府宣傳片成功.
早幾年去睇FAMILY MEDICINE (因為泌尿科未排到,所以去左FM先)
DR問: "最密幾耐去1次?"
我: "1HR4次."
其實答呢題時,我都覺好難開口,好難令人相信1HR去4次,但我印象中又好似出現過.
點知DR聽完就問我: "你有冇食毒品?"
6/8/2013去睇泌尿科 (排左248WKS,終於有得睇啦,呢一刻係咪應該讚賞下自己既生命力呢!)
DR又問同FM相類似問題: "最密幾耐去1次?"
我: "1HR4次."
今次呢個DR醒D,佢識包底咁話: "我只係循例性問下,你有冇食毒品?"
我: "冇"
噚日聖誕節,但我在家中渡過,因為要做泌尿科的記錄.
原來我冇記錯,最高記錄真係可以1HR內去4次TOILET.
我都知毒品問題嚴重,但政府宣傳片可唔可以唔好太強調1HR去4次呢?因為唔食毒品都可以有呢個情況!!!

(寫於26/12/2013 11:56)

希望醫生能及時備份及搬BLOG

今日係25/12/2013,我既聖誕節就係REST PAIN中開始.
除左係聖誕節,今日仲係YAHOO BLOG最後備份及搬BLOG的日子.
23/12/2013已通知左醫生,但唔知佢有冇即時做呢???
噚日特登放左張THANK YOU CARD+搬BLOG資訊去醫生診所,但姑娘話噚日醫生唔返診所,張咭要醫生放完假先睇到啦.
希望醫生能及時備份及搬BLOG啦,畢竟佢都花左好多時間+心機o係個blog度,而且個blog仲寫左好多有關佢媽媽患病既野,真係唔想佢個blog就咁冇左.
最衰都係自己啦,咁遲先通知醫生.
其實係咪通知醫生,自己都掙扎左好耐,因為我唔知佢其實係咪仲想保留個blog,因為回憶雖然係珍貴,但亦傷痛.
加上自己由8/2013開始好down,所以一路都keep住o係掙扎既狀態,都冇通知醫生.
最終因為覺得醫生幫過自己+作為佢既blog友都要通知佢一聲,所以好odd咁打去診所通知佢囉.

(寫於25/12/2013 12:51)

(後記,寫於29/12/2013 13:31,醫生搬唔切BLOG,只怪我通知得佢太遲)

針也彎了

呢篇blog應該30/11/2013寫的,但我太down了,而家先寫番,我怕如果我再唔寫我會唔記得.

由2/11/2013又開始在私家做physio (但只做到7/12/2013,共6次)

由於前4次,腳腳都冇乜反應 (都話明比羅永年個人渣攪到變天殘腳,點會咁快+咁易有反應)

(人地話cancer會將人既錢醫窮醫掘,我雖然冇cancer,但醫腳都令我醫窮醫掘啦!

死人羅永年,我真係好想知佢幾時他朝君體也相同!)

所以pt將差不多成枝針灸的針插入腳腳度,

插的時候,除左痛,就係覺得枝針被啜實,pt好難先入到針.

結果當針拔出時,成枝係彎的.

勁恐佈,針灸左咁多年,拮左咁多針,彎既針,我都係第一次見.

最衰就係冇影相,如果唔係腳腳就可以知自己有幾天殘啦!

大家亦會羅永年將我隻腳醫到幾廢囉!!!

其實咁多年o黎我都諗唔通,我當年只係腳痛去睇醫生,又因為當年完全相信羅永年條仆街先會做手術.

究竟由幾時開始病人完全相信醫生係錯架???

究竟點解羅永年呢條仆街所做既錯,而產生所有既痛,所有既苦,咁多年o黎都係由我同我既家人去承受???

點解羅永年個牌冇比人釘到???點解佢仲做以o係九龍某私家醫院掛牌呢???

究竟公義、真理係咪仲存在於呢個世界架呢???

(因為唔識set blog的日期+時間,所以要自己打埋,呢篇寫於16/12/2013 22:15)

放下執着=新角度看醫生

晚飯,有人同我講只要放下執着,睇野就會有新角度

沖涼時,諗起咁多年覆診,聽得最頻密既一句說話: "醫生都係人!!!"

呢句說話太入腦,其實應該係入心入肺啱D!

所以而家我會不斷REMIND自己唔好因為任何人既職業,背景,信仰等,而幫人地帶上光環,因為所有人都係人囉!!!

跟住就忽發奇想,醫生係人,醫學院亦只係大學其中一個系,

而本地大學一向奉行難入易出的原則,

所以遇到一D好似羅永年咁既醫生,其實唔洗嬲,唔洗覺得有問題.

因為佢地其實就係體現緊本地大學一向奉行難入易出的原則,

但呢角度係咪叫放下執着呢???

我唔知,

只知一邊打BLOG,一邊心口痛,一邊淚凝在眼眶

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

後記: 打完BLOG去探左個BLOG友,眼淚終於流得出啦.

羅永年教醫學生=攞病人教非囉!!!

其實教非係咪咁寫我都唔知.

作為一個比羅永年條X街整跛既病人,

我真係覺得我絶對有資格講,

羅永年教醫學生=攞病人教非囉!!!

好心中大啦,而家冇骨科醫生肯教醫學生咩,

做乜攪個醫術+醫德俱冇既粉腸去教呢???

乜中大醫科淪落到咁呀!!!

早幾次覆診o哥個黑面+連位都摸錯既醫生都唔知係咪條粉腸教出o黎架!!???

可以做既為中大醫學生+病人,祈福!!!!

希望醫科生唔會比佢教壞,而病人唔會比佢醫壞!!!

早幾年先有人search到我個blog,同我講羅永年叫佢(男)朋友做手術,但佢朋友當時隻腳係腫架!!!

羅永年咁都可以教醫科生,我都夠資格教啦,

我教佢地善待病人+act for patient's best interest+三思而後行+手術的傷害!!!

好似我仲教得多野喎!!! (唔數都唔知&唔覺)

呢個時候又係,唱楊千FA既唱啦,

"祈求天父會做10分鐘好人"!!!!!!!!!!!

D管局比病人跨網睇醫生,除左令病人可以縮短輪候時間外,

原來最大既好處係比病人一個逃亡的機會!!!

如果我當年都可以,或許我隻腳唔洗攪成咁!!!點解唔早D推呢!!!